Grŵp Trawsbleidiol Cymru ar Nychdod Cyhyrol a Chyflyrau Niwrogyhyrol

Crynodeb o’r cyfarfod a gynhaliwyd ar 19  Mai 2015

Yn bresennol:
Bethan Jenkins AC, Jenny Rathbone AC
 30-40 o bobl yr effeithir arnynt gan gyflyrau cyhyrau’n nychu a gweithwyr iechyd proffesiynol
 Muscular Dystrophy UK
 Dr Tracey Cooper, Cadeirydd Rhwydwaith Niwrogyhyrol Cymru

Dechreuodd Bethan Jenkins AC y cyfarfod a chroesawodd  Dr Tracey Cooper, Cadeirydd newydd Rhwydwaith Niwrogyhyrol Cymru.

Dr Tracey Cooper:

· Mae angen ymgysylltu â Grŵp Gweithredu Cyflyrau Niwrolegol Cymru, ac mae sicrhau bod rhagor o fynediad at ffisiotherapi arbenigol oedolion a chefnogaeth seicoleg yn flaenoriaeth fawr

· Mae angen i’r achos busnes a luniwyd gan Rwydwaith Niwrogyhyrol Cymru gael ei adnewyddu

· Pwysleisio’r egwyddor buddsoddi i arbed - arbed arian a helpu pobl

· Gweithio gyda Rhwydwaith Niwrowyddorau Gogledd Cymru – mae’n bwysig nad ydym yn colli’r ffocws niwrogyhyrol

· Mae disgwyliad bod argymhellion y Grŵp Gweithredu Cyflyrau Niwrolegol wedi’u hymgorffori gan y Byrddau Iechyd

· Hydrotherapi - mae chwe sesiwn ar gael, yna maent yn dod i ben  - nid yw hyn yn helpu pobl â chyflyrau cyhyrau’n nychu

· Mae angen rhagor o glinigau amlddisgyblaethol a chydgysylltu gwasanaethau’n well

· Mae angen edrych ar yr egwyddor siop un-stop ar gyfer apwyntiadau clinig

Rhoddodd Muscular Dystrophy UK y wybodaeth ddiweddaraf i’r rhai a oedd yn bresennol am brosiect newydd i ddatblygu cymorth gan gyfoedion i bobl sydd â chyflyrau cyhyrau’n nychu.